قصيدة شعبية تحت عنوان{{إنتِ المُبتدا}} بقلم الشاعر السوري القدير الأستاذ{{جمال خضور}}

قطفةشعر..من(زورق الليل)

منمنمات من..(خوابي المحكي)

             -1-

إنتِ المُبتدا..

وإنتِ الخَبَرْ..

عِنَبْ..

بخوابي خَمّارْ..

اخْتَمَرْ..

رَشْفةْخَمرْ...

منْ شْفافْ مْعَتَّقَة..

تحْيي قلوبْ..

ويسْكَرْ منها..

السَّكَرْ...

--------------------------

           -2-

هالوَردْ...

 ياللي عَ خَدِّكْ..

حَيَّرْ العَطَّارْ..

ولا عِرفْ شو بَدّْو..

يحْكي..

راحْ لَشيخْ الكارْ..

يوصِفْ الوَردْ..

ومنْ لوعِتو..

يشْكي..

اتْنَهَدْ الشيخْ..

وسَرْقتوا الأفكارْ..

ومنْ حَرْقِتو عَ الوردْ..

صارْ يتْنَهَدْ...

ويبكي..

                جمال خضور

-----------************