سألت الناس؟
__________
لما قالولي
الأرض اتحررت
رجعت من وحدتي
أدور ف الوشوش
عن الصحاب
عن أهلي
عن البيوت
ولما سألت الناس؟
إستغربت السؤال! ! !
كان فيه هنا
النخلة العجوز؟
كنت سايب هنا أرغول؟
وغناي والموال؟
ولما سألت الناس
إستغربت السؤال! !!!
النيل كان هنا
لالا كان هناك
المكان غير المكان
الشمس هربانة
صرخت سألت الناس
إستغربوا السؤال! !!
كلام ناس بلدنا
أصبح غير الكلام
رجعت أجري
بعدت عنهم
لملمت شنطتي
وخدتني خطوتي
لمفارق السكك
ووقفت وحداني
زي عمود الملح
وسط الرمال
ولما سألت
ما لقيتش ناس
الناقد
حمدى البوقي
ليست هناك تعليقات:
إرسال تعليق