راجع.. !!
______
أكيد راجع ؟
أكيد..
وح أطرح من سنين عمري..
سنين حبك
وح أنسى إني حبيتك
ونني القلب كان بيتك
ولا عمرك ح تبقي إلاه
ولا أبدا ف يوم ح أركع
أكيد ح أرجع
أكيد زعلان من قلبي
لأني عرفت متأخر
وهمت القلب بخداعك
وطعم الوهم بيخدر
لكن بسهولة صدقني
لقيت حبك بيتبخر
وطعم الملح في دموعي
بقى أحلى من السكر
كتبت حروف شعري
وأنا طايع
أكيد راجع
دموعي إللى أنت شايفاها
دموع فرحة ..ماهيش أحزان
غسلت القلب أنا منك
وداب الهم فى النسيان
وقلبي...أه...
إللي كان أكبر من الدنيا
بقى صغنتوت
وصوتك مهما يندهلي
هاسد القلب ..مش سامع
أكيد راجع؟
أكيد راجع
بقلمي
حمدي البوقي
ليست هناك تعليقات:
إرسال تعليق