* قصيدتي ( ويا دنيا )
ويا دنيا
امرك عجيب
من يومك
جوك مريب
في عنيكي إدمان رهيب
سيطرته إحكام عجيب
سحرانا في جو عيد
لابسالنا فستان جديد
وخدانا مشوار بعيد
إيه بس حكايتك معانا
شغلانا كتير ومحيرانا
اللي يحبك ويحايل فيكي
وينسي ضميره ويبقي عليكي
تعطيله وتمدي ايديكي
اكمنه متعلق بيكي
مخدوع مش عارفك فانيه
وحياته بتمر في ثانيه
مسكين ماهو كان متغطي بتوبك
والتوب رمتيه وظهرتي بلونك
عشمان ترضيه وتحني عليه
غفلان عن كونك وقتامه لونك
وادي واحد تاني بتحاولي معاه
فقير وقنوع والمولي رضاه
من يومه لاغيكي ولا فكر فيكي
عشمان تنسيه ولا تسألي فيه
مش طايق كونك مغروره بلونك
يا دنيا سيبيه وبلاش تغريه
المولي هاديه من فضله عليه
زهدان في أمورك مش حمل غروىك
صدقتي كلامي ولا اقول من تاني
مش خايف منك ما انا عارف انك
مغروره وفانيه مش اسمك دنيا
* انتهت من فضل الله تعالى قصيدتي ( ويا دنيا ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق