قصيدة/من انهاردة هقسي قلبي
بقلمي/نيفار أحمد عبد الرحمن
وقدرت تبعد وتغيب عليا
وتسبني من ايدك اضيع
كان حلم عمري تكون معايا
واتحد بيك كل الجميع
طب فين وعودك إنك هتبقي
وتكون لقلبي أنت الربيع
وتداوي روحي من ويل جراحها
وتكون أماني وسور منيع
يخسارة انت سبب جراحي
وسايبني عايشة في ليل فظيع
مليان بقسوة ودموع وحسرة
ومرار وعزلة وموت سريع
كل اللي بنا من ذكرى غايبه
في ليالي أسيه وزمان وضيع
رضيت عذابي بويل غيابك
ورضيت لكِبرك إنك تطيع
ندمانة إني صدقت كدبك
سلمتلك قلبي الوديع
من انهاردة هقسي قلبي
واعيش حياتي كمان وابيع
بقلمي/نيفار أحمد عبد الرحمن
ليست هناك تعليقات:
إرسال تعليق