قصيدة شعبية بعنوان {{جنة حوّا}} بقلم الشاعر السوري القدير الأستاذ {{جمال خضور}}

قطفةشعر.. من (زورق الليل)

           (جنة حوّا)         

نزْلِتْ من الجنّة..

تَ عَملِتْ.. 

جَنّتا..

وصارتْ الكلمة بالهوىٰ..

 كلمتا..

وكيفْ ماتزيَّنتْ هالدّني..

بتلاقيها… 

زينتا..

وماكانتْ التفاحة..

سَكَّرَتْ آدمْ..

لو ماهيّي .. 

خمرتا..

بحورْالشّعرْ..

لَعيونها هاجِتْ..

انصاغ الدَّهبْ..

تَ يحلا.. 

منْ رقْتا..

ولو ضحكتْ حْساسينْ..

الضحكة مَسروقة.. .. 

منْ ضحكتا..

ولو جنّتْ العتماتْ..

ولابقي نجماتْ..

بتلاقيها.. 

نجمتا..

نارْ بكانونةْحطبْ..

لو إجا كانونْ..

ولو حضِرْ نيسانْ..

بهالليالي هيْيّ.. 

نَسْمتا..

وقديشْ عَ بوابْ هالجَّنة.. 

ناطرة قلوبْ.. 

تاكُلْ هالتفاحة..

وتجرّبْ.. 

سَكْرتا..

      سوريا /جمال خضور