" نشغة روح "
يــ ناعيلي بخلگ فرحي...
رحلت بيا سبب مني ؟
دحاچيني .. أشجنيت أني
گـبل لا تغفى بالحسرة أفز أني
وگبل لاتنكسر روحك
أعيشها بحلم ثاني ..
وأفزن واخنگ العبرة بحزن چذاب
واطوش الليل
نجمة أتبات مطرودة
وأفيض أعتاب ..
أنته وينك ؟!
نيتي بيضة وياك جانت
ونيتك بلون الكحل بعيون غنوة
أتغازل عيون البنات
وحيل تتباهة بحسنها
أشما تصدلي
بعين وكحة
وطرف ساحر
رمش يرسمني صليب
أيمزك ارسومي وضحكتي من الدفاتر ..
بيش أجيك ؟!
بگلبي طعنة
وآخ ياطعنات أديك ..
اتمرجحت بية اعلة عرفك وانه بيك ..
أشباقي بيه ..؟
بهتت بروحي السوالف
والعصافير التدردم ساومني
أعشوشها من جروحي تبني
لمن وافتني المنية
دمعة دمعة..
صرصرت كل السوالف
دمعة دمعة
ونشغت ابروحي المحنة وترجمتهن
دمعة دمعة..
صرخة آه تغني بية
ومابحت للريح بيهن ..
وهسة اجيت ؟
المن جيت ..؟!
ألـق محمد
رويحة حلال
ليست هناك تعليقات:
إرسال تعليق