شو هالحالة يا أخوان
قصتنا ...عا كل لسان
الحكومة مش سئلانة
كيف بدو يعيش الانسان
عفناالطاخ وعفناالطيخ
وصرنا نصيح آخ وايخ
صياحنا وصل للمريخ
وماحدا فيهن سمعان
عطونا زيادة راتب
وأخدو نصا ضرايب
بيظهرالله هيك كاتب
يبقى المواطن جوعان
طالع نازل هالدولار
مرة جمر ومرة نار
كترو علينا هالشطار
والتجار كلن حيتان
كل الناس الدرويشة
صرفوا كل التحويشة
قرفنا والله هالعيشة
دخلك ياربي الرحمن
الصالح فايت بالطالح
والدنيا كلها مصالح
ياريت يرجع مبارح
ونعيش بأمن وأمان
بقلمي بسام محسن
ليست هناك تعليقات:
إرسال تعليق