#ضُميني #ماتبخليش
إن قلتلك مرة ابعدي
ما تبعديش
و إن قلتلك أني بكرهك
ماتصدقيش
أنتِ الوحيده بقلبي
وغيرك ماليش
في القلب كتير ساكنين
وأنتِ الوحيده ضَماني
لو تعبت بروح لمين
غيرك أنتِ عنواني
لو شَكيت من هم السنين
مين بيمسح دمع أحزاني
بعد ما فات العمر مني و راح
ألتقيت بيك أنت أفراحي
بعد ماكانت الأيام جراح
مين كان حضني مين براحي
كل اللي راح قبلك راح سواح
تايه في دنيا ولا حد داوا جراحي
بلاش تدوري على سبب لرحيل
بلاش تكوني زي الزمن عليا بخيل
يا وطن الروح و ظل النخيل
من غير ضمتك أنا قلبي عليل
حتى لو في خيالي ضمني
أو في خيالك على كتفي ميل
حسن سعيد إبراهيم
نبض 💓 يكتبه 📝
جمهورية مصر العربيه
ليست هناك تعليقات:
إرسال تعليق