ناس وناس
👈🏿(ناس وناس)👉🏿
فيه ناس
بتحب بس
تظهر فى الصوره (١)
وناس فى فعل الخير
ضهورها مكسورة(٢)
وناس بتعطى بسخاء
ومش مشكورة(٣)
وناس لاليها
فى ده ولا ده
ولا حتى محشوره(٤)
وناس مش شايفه
على عينها شبوره(٥)
وناس على الدنيا
عايشه مسعوره(٦)
وناس يادوبك
عايشه مستورة (٧)
وناس طول عمرها
عايشه مقهوره(٨)
وناس فى ملعب الدنيا
متشاطه كالكوره(٩)
وناس على الهامش
لاعايشه ولا منظوره(١٠)
وناس لاليها ف تورولاطحين
وع الفاضى مشهورة(١١)
انتا مين فى دُوُلْ (؟)
خليك صادق
واكتب اسمك ع السبوره
(١١،١٠،٩،٨،٧،٦،٥،٤،٣،٢،١)
(✍🏿 تصنيف ✍🏿)
شاعر الإحساس
(رضاعبدالحميد)
ليست هناك تعليقات:
إرسال تعليق