يامسكين
.
وخدك وجعك.لفين
يا طيب رايح لفين.
متهان وسط السنين.
وحلمك كبر وشاب.
وخدك وجعك لفين.
ياطيب رايح لفين.
.
بتزرع طيبه فدادين.
وبتحصد هموم وأنين.
وضهرك مليان سكاكين.
من غدر الأحباب.
من ناس غدارين.
ومين هيحس وجعك يامسكين.
.
كفايه لكدا سكات.
كترت قوي المتهات.
العمر بسرعة فات.
وانت أثير الأهات.
هتفضل ل إمتا تخبي.
وهتفضل ل إمتا تدس.
تصرخ بصوت مكبوت.
ميطلعلكش حس.
ومين هيحس وجعك يامسكين.
..
ويجي الليل عليك..
محتل الدمع عينيك.
موجع ومش بأديك.
يهدى الوجع اللي فيك.
مسكينه مخدتك.
دايما مظلومه معاك.
مغرقها بدمعتك.
بأحزان وجراح جواك.
ومين هيحس وجعك. يامسكين.
.
وتقوم الصبح خايف.
شبعان قلبك رجايف.
حتى الحلو عايف.
ومرار فوق الشفايف.
.
قدام الناس بتضحك.
والضحكه باهته وخايبه.
بتحاول تداري جرحك.
بإبتسامةعجوزه شايبه.
ومين هيحس وجعك يامسكين.
.
ليك رب أسمه الكريم.
وهو بحالك عليم.
سبحانه خالق عظيم.
بعباده رؤوف ورحيم.
متشلش هم ياطيب.
الدنيا دي إختبار.
أصبر الفرج قريب.
بعد الليل نهار.
هما شوية صبر يامسكين.
..
كلماتي الشاعر/ السيد محمد الدالي
ليست هناك تعليقات:
إرسال تعليق