###وسط_قرود###
ما تمسكش الكلام م الطوق
ولا ف ديله ولا في قفاه
وتصبح بالعتاب مخنوق
افهم م القصيد معناه
اسمع مني مش عني
هتلقي كل الكلام مظبوط
ولا تسمع من الاندال
سمومهم ع الكلام محطوط
الكلمة تكون بانيها الخير
وتتهد بكلام ممطوط
بكلمة ندخل الجنة
وبكلمة نفارق الرحمة
ومايبقي للسماح مرسي
ولا نلقالها اي شطوط
ونلاقي الكون بقي غابة
وناس بالفطرة كدابة
هيعمل ايه فيها الطيب
بقلب برئ وسط قرود
#محمد_فتحي_الشيمي
ليست هناك تعليقات:
إرسال تعليق