قصيدة شعبية تحت عنوان{{هتنسيني}} بقلم الشاعر المصري القدير الأستاذ{{ايمن_شتا}}

#هتنسيني

#قلم_ايمن_شتا 

هتنسيني.. متنسيني..

وأية يفرق.. مدام الدمع فعيوني.. 

مدام القلب صدى ومات.

كلامك ليا دلوقتي كأنه سكات.

ولا تفرق معايا حاجات.

مدام بعتي وخونتيني.

هتنسيني. متنسيني..

.... 

هتنسي لمستي ليكي.

هتنسي حضني لاديكي.

ولا حاجة تكفيكي.

مدام بعتي وخونتيني..

هتنسيني.. متنسيني..

.... 

انا فعلا بقيت ماضي..

عشان قبلك صبح فاضي..

صبح خالي من الاحساس.

ملوش فالحب والإخلاص.

بقيتي لحظة في سنيني..

هتنسيني... متنسيني..

....

ياريت اقدر وانساكي

لكني ليا وياكي

جراح وانين

تروحي فين..

تروحي لمين..

هتفضل صورتي جواكي..

تقولك انتي خونتيني..

هتنسيني...متنسيني..

...

خلاص القلب صدى ومات

كلامك ليا كانه سكات

ولا تفرق معايا حاجات

مدام بعتي وخونتيني

هتنسيني.. متنسيني

.....