###يا_ليلة_العيد###
*&*&*&*&*&*&*&*&
يا ليلة العيد انا مستاء
وليه الفرح يكون خَّناق
وليه ياقلب بقيت مخلوع
وليه يا دمع بقيت حراق
عليك يا اقصي انا ببكي
خلصت حروفي بإيه هحكي
وما نبوح القهر غير لله
وغير الله لمين نشكي
قولولي ازاي بقي افرح
ما عادش لفرحنا مطرح
منين البسمة تعرفني
واخويا مسلمه المدبح
بإيدي ياخلق دي جنايتي
مش طايق ابص ف مرايتي
انا المحقوق يا خلق ياهوه
علي الله ياناس دي حكايتي
مش باقي لا نخوة ولا ذمة
بأمر الله سلاطين رمة
اسود علينا وعليهم لأَّ
لا دين عارفين ولا ذمة
حتي القلم ياناس قصفوه
بعد الورق ماجُم ونفوه
وفوق لساننا راكب جرس
يرن بسرعة ليسمعُوه
الكلمة صبحت اكبر ذنب
عطف كانت يوم اوحق
خليك هنا مني علي جنب
لو ناوي ياصاحبي تقول الصدق
دا يبقي بينك وبين الرب
لا فسجن منفي يوم تتزق
خلاص بلاها ياخلق اعياد
خلينا توبنا حداد ف حداد
يا عيني عين علي الاولاد
طفولة جريت عدت برق
✍#محمد_فتحي_الشيمي
#حي_الشيخ_جراح
#انقذوهم
#لالتهويد_القدس
ليست هناك تعليقات:
إرسال تعليق