يادنيا ماشيه
مش باقيه
أحلام كتير
لها سارقه
وطبع نهايته
الفرقه
ومين على مين
فيكي باقي
وكأس مرك
كتير ساقي
عايشين فيكي
ولا السكران
طبعك حرمان
نسينا الفرض
والسنه
خدعتينا فيكي
الجنه
طلعتي سراب
فرقتي أحباب
عشان زيفك
غوو طيفك
وفى الأخر
طلع سيفك
قوي وبتار
الجار غدار
والود وغار
ومين كان بار
الاهل ونار
ومن غدرك
شكت منك
حيطان الدار
من الهجران
مفيش غفران
الكل بيبكي
على حاله
جمع ماله
حلال وحرام
وداس على اخوه
بلا رحمه
حياه زحمه
إسودت
كما الفحمه
وبان ع الخد
كاالوحمه
من الصدمات
الأصل ومات
والعفو وبات
مع الأموات
وفى الاخر
مصير محتوم
ومش باقي
غير السيات
فين الحسنات
داخل طالع
من الجامع
يادوب ركعات
تأديها وضميرك
مات
وتتصعب وتتنهد وتتخانق
مع العبرات
لو قالوا
فلان دا مات
وحقيقتك
فى حب الذات
مش فارقه
معاك سكرات
ولا نهايات
وخد بالك
لمين دامت
غيرك اشطر
بيهم هامت
روح المستشفى
يمكن ضميرك
هناك يشفى
إتأمل شوف الاوضاع
ناس بتموت
من الاوجاع
أهااات تعلى
عايز كليه
كان سلطان
جاه سرطان
محتاج لدم وبلازما
مالك كله
مالوش لازمه
مسكين من ساعه
ماسك فاسه
إتصاب بجلطه هنا
ف راسه
سكرات فى صراع
صراخ واوجاع
مالك كله
مايساوى
كلمة اااه
ماينفع جاه
مع المعناه
ساعتها بس
تتذكر
حياة الكل
بإيد الله
حياه فانيه
وأخرتها
الرجوع لله
وترجع فاضي
سواء ترفض
سواء راضي
وتندم فيها
على ثانيه
ما شكرت الله
خليك عارف
رزقي ورزقك
بإيد الله
وهيجيلك
بدون معناه
بدون ما تنهش
فى خلق الله
مد إيدك وضم أخوك
وضم أبوك وضم الام
ف أحضانك
وإمسح دمعه لجيرانك
وأوصل ود أرحامك
تجيك دعوه
بيها تقوى وتدخل قلبك التقوى
وتبقا الجنه
لك مأوى
ترتاح وتنسى أحزانك
بقلمي
نبيل عبد الحليم
٦/٥/٢٠٢١
ليست هناك تعليقات:
إرسال تعليق