ذنبي أني عشقك
===========
يا اللي عامل ناسبنا
مش برضه كنا حبايب
وكنت فى يوم تجينا
وقلبك من الحب دايب
متقولي ايه جرالك
ايه غير لك أحوالك
بقى كده بتبيع في هواك
بعد اللي عملته معاك
دانا احلى سنين في حياتي
راحت وانا بستناك
وكتير باجي على نفسي
علشان بتمنى رضاك
بقى جاي بتنكر حبك
ونسيت لياليا في قربك
متقولي ايه خلاك
تقسى على اللي بيهواك
معقولة يجيلي انا يوم
واكون في هواك مظلوم
وتقفل في وشي الباب
بعد ما كنا احنا احباب
انا اللي كنت انا ليك
وكنت معاك وبيك
ببيع الدنيا بحالها
والعالم واشتريك
بقى جاي تقولي أنساك
فاكرني راح أترجاك
لا وحياة حبي انا ليك
انا عمر ما هرجع ليك
بعد ما هان كده قلبي عليك
انا ولا عمر ما هبقي عليك
انا لازم ابعد وانساك
حتى إن كان قلبي بيهواك
مش هشتقلك مش هسمعلك
مش راح احن في يوم للؤاك
حتي ان كنت هموت من غيرك
روح في سلامة انا مش عايزاك
انا كان قلبي عايش علشانك
انا كان حضني هو مكانك
كنت انا حبك نبع حنانك
لما الدنيا بتقسى عليك
كنت انا ليلك كنت امانك
كنت الوردة اللي بتحلالك
كنت بعيش همك واهاتك
كنت انا بملى لوحدي حياتك
كنت انا بسهر ليلى اناجيك
لا مش هبكي انا تاني عليك
ياللي انت عذابي بيحلالك
قلبي خلاص راح يقسى عليك
دانا ولا مرة صعبت عليك
انا ياما اتعذبت في بعدك
وانت تملي سايق لى في عندك
وكل ده لى علشان بهواك
بقى يعني ذنبي اني عشقتك
ولا جيت يوم بعتك ولا خنتك
يبقى جزائي اتعذب منك
لا واتعذب انا باديك
لدرجة دى انا هونت عليك
طب وحياة قلبي اللي شاريك
عمر ما هرجع ادوب في عينيك
حتى إن كانت روحي انا فيك
هدفن روحي علشان تنساك
يا خسارة قلبي اللي هواك
كنت في عينى بجد ملاك
انا لازم ابعد وانساك
وانسى عذاب ايامي معاك
اه يا دموع دايما حضناني
بيكفاية تبكى عليه ده اناني
راح وفي لحظة عايز ينسانى
وأنا ولا عمرى راح ارجع ليك
2020 /17/6
:
#ماجدة_البهيدى
:
