أمنا الغولة
.................
لولا سلامك سبق كلامك
لقرقشت لحمك ويا عظامك
ده كلام أمنا الغولة
اللى هى عننا مسئولة
حدوتة كل يوم قبل النوم إللى بتحكهالى جدتى الكهولة
الرعب كان شئ محتوم
أبو رجل مسلوخه وأمنا الغولة
الرخ خطف الأسد وطار ضحك الحمار والتجار مذهوله
انقلبت الدنيا زعبيب وغبار شفتها فالمنام حاجه مهولة
طال الليل ومطلعش نهار من الأهوال هدومى مبلولة
امنا الغوله عينيها حمرة طاطى رأسك لتلقيها مفصوله
بتشرب دمنا كانها خمرة أخلاصك للواطى خليها مقبولة
لأن نار حقدها جمرة حتى فى وقت القيلولة
عصابة من الأندال زمرة
ماشية تتحنجل برجلها المكسورة
كل حيلتها كوتشينة ومندل رقبتى فأديها وأيدى مغلولة
داريت شمعتى وهمى لقمتى وهدمتى مقطعة مرقعة مهطولة
الأمعه جزمته جديدة
ملمعة
الدنيا معاه مطرقعة عسوله
مستكين فعشتى فعينى دمعتى
من حسرتى على الرجولة
ربنا يسامحك ياجدتى زرعتى الخوف بكمية مهولة
حواديتك القديمة لبشت جتتى
بقت مستديمة والروح معلولة
غولة جدتى صبحت كوابيس منها بستغيث والنفس مذلولة
الجبن بقى هو الوريث صبحت عادة والارادة مشلولة
..........
بقلم.الشاعر
الأمير _محمود
ليست هناك تعليقات:
إرسال تعليق