قولي باحبك
قولـي باحبـك سمعهــالــــــــي
ريـّـح قلبــــــــي وريـّـح بالــي
عيش معـايا الحب بـــروحـــه
ياللي هـــــــواك غيرأحــــوالي
***
ياحبيبــــي ياكامل الأوصــاف
ليه بتخبــي وليـــه بتخــــــاف
دالحب جـــوه عنينـا متشــاف
وكل يــــوم ديما في العــــالي
قولــــي باحبك سمعهالــــــــي
***
عــمر الحــب مايبقى سكــوت
بالطـريقــادي أكيــد هيمــــوت
دانا رح اقولها بـِعلـــو الصـوت
انت وبس حبيبــــي الغـــــالي
قولي باحبــــك سمعهالــــــــي
***
قولي باحبك وانا ليك اقــــول
مايهمكش حاســــــد وعـــزول
خلـّي اللي يقـول عنـــا يقـــول
بالدنيا وبالناس انـــا مـــــــالي
قولي باحبـــك سمعهـالــــــــي
***
قولها وعيدها لكـــل النـــــاس
قولها بكـــل فــــــرح وحماس
الحب لو من غيـــر احســـاس
لاكنت رحتله ولا كان جــــالي
قـولي باحبك سمعهالـــــــــــي
***
خلـّي الطير في السما يسمعنا
خلي جناين الـورد تشوفنــــــا
قول لقمـر الليـــل يســــــاهرنا
خلي نجـوم ليالينـا تــــــــلالي
قولي باحبـــك سمعهـالــــــــي
***
ياما قبلنا شافو العاشقيــــــن
ولا همهــــم لـــــــوم اللايمين
ع المر صبرو سنين وسنيـــن
وبالاشواق ياما سهـرو ليالـي
قولي باحبـــك سمعهالــــــــي
***
الحلوه والمــــره هتجمعنـــــا
دالحب من غير نارماله معنى
مهما تكــــــون وياه اوجاعنـا
ديمـــا بالصبــــــر هتحلالـــي
قولي باحبــك سمعهالــــــــي
***
ومادام حبنا كده في النــــور
وصبح بين الناس مشهـــــور
الفرحه على عمرنا هتــــــدور
وتحقق املـــــــــــــك وامالي
قولي باحبك سمعهالــــــــــي
***
قولي باحبك قولهـا كتيـــــــر
خلي العشـــــاق منـــــــا تغير
يالـّه نعيــــــــش حبنا بضمير
مهما جرالك مهمــــــا جرالـي
قولي باحبـك سمعهـالــــــــي
***
كلمات
شاعرالإحساس
رضاعبدالحميد
