كبريائي
(كبريائى)
كبريائى
أقوى من حبى ليك ومن اشتياقى
انسانى وانسى رجوعى ليك
واتعود على بعدى وفراقى
كبريائى
***
هان عليك ألمى ودموعى
وجاى بتتمنى رجوعى
بعد مابعت اللى بيننا
وخنت عهدى واتفاقى
كبريائى
***
كبريائى حته من كرامتى
لويضيع منى واسلم وانكسر
يبأه ايه اللى ف كيانى ليّا باقى
كبريائى
***
انت ضيعت بغدرك
وبأساوتك
فرحتى وابتسامتى
راح زمانك وانتهى
والوقت وقتى
والقرار اصبح فى يدى
وعليك هافرض ارادتى
انسى طيبتى
انسى برائتى
انسى وفائى
كبريائى
***
من النهارده
انتا محروم من حنانى
ورأفتى ومن لقائى
كبريائى
***
انتا عشت سنين فى حبى
بس ماعرفتش حقيقتى
لما باغضب واما باكره
بتبأه ازاى طريقتى واستيائى
كبريائى
***
روح وجرب حب غيرى
لوتلف الكون بحاله
زي حبى فين تلاقى
كبريائى
كبريائى
كبريائى
(كلمات)
(شاعر الإحساس)
(رضا عبد الحميد)
ليست هناك تعليقات:
إرسال تعليق