قصيدة الشعبية {{كنت واثق}} بقلم الشاعر المصري الموهوب الاستاذ{{السيد محمد الدالي}}

................ كنت واثق .........

.....

كنت واثق أن اللي بنا مجرد وقت وهيعدي 

وأن كلامك مش من قلبك وهيعدي 

كنت واثق.. إنك في يوم هتبعني 

ولا هتحس.. بأي حاجة توجعني 

وانك سراب.. بعيد قوي وخدعني 

وإن طريقك .. صعب فيها أعدي 

.. 

قولتلي متفهمين  ... وعلى بعض قوى لايقين 

ويارب تكون من نصيبي 

ويتجمعو حبيبين  ... للقاهم عطشانين 

ايوه بحبك حبيبي 

طلع مجرد كلام.. وقت وراح والسلام 

متعرفش أن مفيش حد يحبك قدي 

....

مسامحك انا وبدعيلك..... تلاقى في غيري خير 

بكفوف الراحه يشيلك .... يحبك بكل ضمير 

بس بلاش تخدعه وتبيع 

حافظ عليه وإياك يضيع 

سعتها هتنزل دموعك زي دموعي اللي في خدي 

...

نصيبي متبقاش ليه .....  ونصيبك متحبنيش 

والله لو كان عليه  ....... نفسي معاك أعيش 

بس انتا كتبت النهاية 

مع اننا في البداية 

واخترت البعد عني  مستنتش تسمع ردي 

.....

🌹 🌹 🌹 🌹 

حقوق الملكية الفكرية /السيد محمد الدالي