(الرجوع إلى الله)
وبـنبـعد ونتـوه مـن خـوفنــا
وبنتـحجج كــتير بظـــروفنــا
وندَوّر علـــى غيره ونفضــل
نبــعد عنــه وهو يشـــوفنا
وبنشغل نفسنا ف حاجات
وحاجات تانيه وف حسابات
ومانأجلش الشغل نهائـى
لكـن بنــأجل صلــــــــوات
وبنعمل نفسنا من بنـــها
وحمـولنا بتــزيد أوزانــــهـا
وندَوّر على أى خطيـــــــه
ونضَـيّـع عمرنا علشانهـــا
وبعــــد ماكله يضيع مننــا
نرجــــع نندم على عمرنا
ونقــول لو عاد بينا الـزمن
كنــا سمعنا كلام ربنـــــا
"محمد مبارك"
ليست هناك تعليقات:
إرسال تعليق