#ليه_أنتي
أنتي أيه و مين من بينهم
وليه بالذات أنتي من كُلهم
فيكي أيه زياده عنهم
ليه معاكي مابكونش أنا
وأحس أن عمري عدى ف سنه
لاشوفت فيه راحه ولا ضنى
ليه عيونك لبعيد واخداني
طول عمري جريء جاني
النهارده حسيت أني غريب عني
في أرضي تايه في مكاني
عينيكي داري سكني وعنواني
بس حاسس أني عنك غريب
لا ليا جواكي صفه من بعيد أو قريب
غير أني فعلا في هواكي غريق
يمكن أكون أقرب صديق
يمكن خطوه في بداية طريق
أو ضحكه ليكي وقت ضيق
بس أنتي ليا حاجه تانيه
عمر كان ضايع رجع في ثانيه
عاجز أكتب أو حتى أوصف ولا أكون خايف
تطلع مني كلمه أرجع أندم واقول غلطة شفايف
بس أللي جوا القلب جوا وأنت حاسس وشايف
مش هاطلب منك تكون ليا
بس أفهم إنك كل ماليا
أنتي من دون الناس حواليا
حسن سعيد ابراهيم
#نبض 💓 #يكتبه ✏️
ليست هناك تعليقات:
إرسال تعليق