دموع كتيره جوه العيون
دمعه تحير
دمعة كل ماتحن ليها
تفكرك انك صغير
دمعة لما الحبيب يجرحك
لما مقدرش حتي يفرحك
وفي لحظه شوق
لحظه اشتياق
يقولك غصب عني
ماهو لازم من الفراق
يجري بسكينه بارده
بمشاعر برضو بارده
من غير مايسمي عليك
بقسوه يدبحك
وتنزل حبة دموع
قال ايه طالبة الرجوع
هو لو فيه مشاعر
لوحبة اشتياق
كان قلبك لو مرة حس
كان كفيل يرجعك
حاولي تنسيني مرة
يمكن مع حب غيري
مع قلب تاني غيري
تلاقي شيء ينفعك
يمكن مع حرف تاني
تلاقي كل الأماني
صدقيني لو قدرت
والله ماهقدر امنعك
لو شايفه حد غيري
حاولي تحسي بيه
وزي مابتجرحيني
أوعي في يوم تجرحيه
زي النهارده ماتجرح
فيه بكرة هيجي يجرحك
سلام ياحتة مني
هسيبك غصب عني
ماهي أصعب جرح والله
لما حد من الحبايب
يجي يوم و يجرحك
والا صعب جوه قلبه
تلاقي حد تاني
اوعاك يا قلبي مره
تبقي حاقد أناني
سيبها لحد غيرك
يمكن تقدر تحس
لا حد يقدر يكونك
ولا ياخد في يوم مطرحك
سيبها في يوم تخونك
تبيعك
حتي لو باعت حروفك
هترجع مره تانية
طول ماانت شاعر
طول ماعندك مشاعر
ه تلاقي بعد فرقة
كلام بالحب يجمعك
مهما تتوه المشاعر
لازم ترجع يا شاعر
أصلك مولود مشاعر
أكتب وقول حروفك
أخرج من بطن خوفك
وقول كل الكلام
وزي ماهتوجعها
والله جواك بيوجعك
احمدعبدالحق
ليست هناك تعليقات:
إرسال تعليق