سايقه الدلع
حبيبتى سايقه الدلع .. وبتتقل عليا
الشوق فى قلبى اندلع .. واللهفه فى عنيا
جربت اشوف الودع .. وافك كف ايديا
واروح للدجالين .. واقص رمش عنيا
امشى بالليل وانا نايم ..وارش نفسى ب ميه
واقضى يومى صايم ..واشوف السبانخ ملوخيه
اجى اكل كفته .. ابلعها تطلع طعميه
وليلى نهارى نايم ..ودة كله مش باديا
.......................................................
ماحبيبتى سايقه الدلع .. وبتتقل عليا
فكرت اسالها مالك .. قالتلى وانت مالك
وشويه وجات قالتلى .. ياعم خليك فى حالك
مش دى رقه حبيبتى .. اللي مدوباني حنيه
دة موظف فى الجمارك ..وقفشنى بهرب تسقيه
ماحبيبتى سايقه الدلع .. وبتتقل عليا
من غير اى ظنون .. والله انا مامجنون
ولابضرب اى حاجه .. انا اخرى شوب لمون
.......................................................
ماحبيبتى سايقه الدلع .. وبتتقل عليا
بنقول يافترة مراهقه .. ياشبابنا خد بالك
علشان متاخدش علقه .. تضيعلك احلامك
لاتقولى بحب روبى .. ولابعشق رقص نجله
ولابقضى طول نهارى .. افكر فى الابله
ياعم اكبر بقي .. وبطل حركات هبله
ايامك جايه جايه ..متقولش مش باديا
ماحبيبتى سايقه الدلع .. وبتتقل عليا
خالدالمنصوري/مصر
23/12/2019
ليست هناك تعليقات:
إرسال تعليق