( ؛ ؛ ؛ سرسوب هوا ؛ ؛ ؛ )
مستني هناك سرسوب هوا
لفحة أمل
بيوم ما نُحضن الخلا
زنزانه ضلمه وضيقه
مفيش هنا غير الألم
لا فجر يطلع أو قمر
ونسينا أيه شكل القمر
ولا أيه شكله الأمل
ولا عقل لساه ما اكتمل
لو موتنا قولي يريحك
هانت حياتنا وتفرحي
والعلاج اللي اتمنع
يمكن يداوي ميت جدع
ولا الزياره لو خطر
بلاش يا أُمي م الخطر
تعالي يا امّه وفضفضي
إوعك تخبي شكوتك
قوليلنا داحنا ثورتك
وفرحتك
اللي غابت من زمن
قولي دا السجن التمن
زعلانه منّا ياامّه ليه
عشان مكانتك والقمم
ولا هموم زي الجبل
أيه كان بإيدنا نعمله
كان الضمير هوه الحكم
وفجأه فيه مليون حكم
فجأه بقينا كلنا
نستنّا كام سرسوب هوا
وأرواح بتصعد مننا
ترسم براح من كام سنه
وفِرحِت نعوشها بالخلا
....... ..... ... .. .
أحمد الصاوي مصر ٦ / ٤ / ٢٠٢٠
ليست هناك تعليقات:
إرسال تعليق