ربي عيالك
=========
مش عارفة ليه يا حبيبي
اه يا قسمتى ونصيبى
عامل نفسك من بنها
طب اقولك اى دلوقتي
انا شكلى هروح في مصيبة
أو اوديك التخشيبة
طب ايه اخرتها معاك
متلم الدنيا معايا
وتبطل تعند فيا
يتشوفلك حل معايا
يا هروح وادينى سيباك
احسن ما عملى جناية
و لا انت مش ويايا
كل شوية بميت حال
وعملك ليه موال
فرجت علينا الناس
ايه حكايتك يا بن الناس
طب بس انا اسمع صوتك
والليلة دي تبقى بموتك
يا تعيش وتربي عيالك
يتروح وامك دعيالك
رجالة ايه دى يا ربي
انا لسة هدادي واربي
البيه على طول مشغول
قاعد بره على طول
وإن يوم قعد في البيت
بيلم علينا البيت
وأنا اهو ساكتة وغلبانة
وإن شفني اكلت لبانة
يصرخ ويقول اه يانا
ده خرب مصروف البيت
لو قولت تعال خرجني
يقول والله يا ريت
خلاص لصبر حدود
انا هفقع مليون صوت
انا ايه اللي رماني عليك
من الليلة مش باقية عليك
يا تعيش وتربي عيالك
وتهدي العب معايا
يا تلم هدومك يالله
وتروح على بيت والديك
أنا جبت انا أخري معاك
ومعنتش احايل فيك
2020 /19/5
:
#ماجدة_البهيدى
:
ليست هناك تعليقات:
إرسال تعليق