** مسحراتي الوطن. ( الحلقة 21 )
مسحراتي مصحياتي
كلامي حصري
وبلهجة مصري
لكنه عربي ومن جوا ذاتي
إصحا وصحصح ..وافهم لغاتي
دا كلامي محشي بمكسراتي
بلادي ياجنة الرحمن
حضن دفا وضل أمان
ذهب صافي ترابك..وكحل العين
وانا دمعتي ع الخد
مشتاق وزيك مافي بقلبي حد
داير زي سواقيكي
تملّي أقول واعيد فيكي
كلام قلبي كلام واعر
ومين غيري حيرويكي
يابدر نهاري .. مش ليلي
ضناني العشق .. ياويلي
غريب يمه وجفاني النوم
ياجيلك يابلدي يوم
وتغنّي مواويلي
إصحا يانايم .. إصحا يا غفلااان
إحنا انتصرنا لما اتحدنا وكنا اخوان
كان العلم واحد..صبح العلم ألوان
ألوان وأجناس .. لكن أصلنا واحد
والدمع لو يختلف..يبقى الوجع واحد
والأقصى واحد .. لكن من خانوه ألواان
أنا مسحراتي الوطن ..راجع لكم بكرا
شايل فانوس العروبة للعرب ذكرى
إصحا لكلامي ودايما ليلاتي
دا كلامي محشي بمكسراتي
مع حكاوي المسحراتي
بقلمي/ محمد الاشقر
كتاب مسحراتي الوطن(دار بردية للنشر)إيداع 2019/7584
ليست هناك تعليقات:
إرسال تعليق