ملخص الملخص
(مقالة ايقاعية باللغة المحكية)
بقلم ..مرقص إقلاديوس
....
الطبيعة هي الأم .
السما طول عمرها بتدي المطر.
و المطر بيكبر الزرع ،
عشان كدة بنقول المطر خير.
و اجمل ما في الطبيعة الطير.
و الطير لسه بين الشجر بيطير و بيغني.
و طول عمر غناه عن التمني.
و أمنيته بسيطة ..حبة واحدة من الغلة.
و عش صغير في حضن الشجر يربي فيه فرخه.
و يعيش الحياة فرحة ، و يعتبر الحياة فلة.
و ربنا لأنه الحياة ، اعطى البشر الحياة.
و خلق كل ما في الحياة من خير و جمال.
بحر و نهر و أرض مثمرة و جبال.
و قال للإنسان عيش و اتمتع،
بس اوعى تنسى إنك في يوم رحال.
لكن يا خسارة البشر ،الميزان بيهم مال.
و بيعملوا شر كتير و اتجبروا.
و كل واحد فيهم معتبر نفسه سيد البشر.
لأنه صاحب عزوة ،
و صاحب قوة،و صاحب مال.
و الأم . .
لسة على عهدها طيبة ، بتراعي البشر.
و السما لسه بتنزل مطر..
و الطير لسه بيغني،
و لسه برضو غناه عن التمني.
و ربك هيفضل صاحب الملك،
و ربك هيفضل صاحب الأمر.
ليوم ينتهي فيه كل شر البشر،
و ينتهي بيه كل عمر و كل أمر.
ملاح بحور الحكمة..مرقص إقلاديوس
ليست هناك تعليقات:
إرسال تعليق