مش كل حرف يتكتب
بيكون مشاعر
ولا كل واحد ماسك قلم
نقوله شاعر
الخلاصه وباختصار
هي حاله من التعقل
متذوقه بحبة جنون
احساس مدفون بين الضلوع
بس باين في العيون
هي مش حاله تعود
يمكن يكون مرة عناد
مره بعاد
والف مرة حاله تمرد
الخلاصه وفي النهايه
تبقي حاله
واستحاله
تحس الحبيب
لما كل شيء جواك يغيب
زي ماتكون حالة تعبد
الخلاصه وباختصار
حب عمري مش كلام
مش حروف بتبتسم
ولاحتي الوان تترسم
شعور وبنا بيتقسم
ومن غير قسم
احساسي بيك مش مجرد
شعور مؤقت
ولاحرف ممكن يتكتب
علي حتة ورق
ولانه دم مخلوط وسط العرق
ولانه حلم بحلمه
وسط الغرق
ولانه يوم بستحمله
يمكن يرجع العمر
اللي في يوم مني اتسرق
الخلاصه وباختصار
زي مافيها جنة
فيها نار
وزي ماشمسك تغيب
بكرة جي اكيد نهار
وزي مافيها قلوب بترحل
فيها قلوب لسه واقفه
لسه حاسه
ان في العمر اللي باقي
يوم بيحلم بالانتظار
احمد عبدالحق
ليست هناك تعليقات:
إرسال تعليق