قصيدة غنائية تحت عنوان {{تعالى نقرب}} بقلم الشاعر المصري القدير الأستاذ{{محمد البريمى}}

شعر غنائى ..

(( تعالى نقرب ))

تعالى نقرب المسافات .. م نبعدش القلوب عن بعض ..

لو بينا زعل و خصام  ..  نتصالح  و نعمل وعد ..

و نبطل لوم و عتاب .. و نرجع تانى أحباب .. 

م نقولش دا الشوق داب .. و الدموع تنزل ع الخد ..

        تعالى نقرب المسافات ..  

بلاش نفكر ف اللى فات .. اللى فات أهو عدى و راح ..

و تعالى نعيش حياتنا .. من غير ألم و جراح 

و نحط الإيد ف الإيد .. و نبتدى من جديد ..

و اللقا بينا يزيد .. و مافيش أحلى م السماح .. 

        تعالى نقرب المسافات ..

مهما طال بينا البعاد  .. مسيرنا هنتقابل تانى

و نرجع أيام الود.. والضحك و الآمانى  ..

و نرجع نلعب ونهزر   .. من غير م نتعب و نفكر .

و نزود ف الدلع  أكتر .. مش هنبعد عن بعض تانى ..

        تعالى نقرب المسافات ..

بقلم الشاعر الغنائى ..

محمد البريمى ..