(مراية العمر)
بصيت في المــــــــــرايه
لقيت العمـــــــــــــــــــر داب
والشعر فوق الــــــــراس
بأه لون السحــــــــــــــــــاب
والوش صار تجاعيــــــد
ونظري صبح ضبــــــــــــاب
والقلب في المعاصــــــي
لســــــه غرقان ماتــــــــــاب
سألت نفسي ســـــــــؤال
واحتارت في الجـــــــــواب
قولتلها هتعملي ايــــــــه
يانفس يوم الحســـــــــــاب
وانتي حزينه ضعيفـــــه
مانتيش حمل العــــــــــذاب
واما الإلـــــــــــــه يسألك
ع العمـــــــــر وع الشبــــاب
والمال اللى كسبتيــــــــه
منين كـــــــــان الـَمـَجـَــــاب
وف ايه يانفس صرفتـي
في حـــــــــرام ولاف ثـواب
هتلاقي كل حاجــــــــــه
مكتوبه في الكتــــــــــــــاب
يانفس يالـَــّه توبـــــــــي
دالموووووت على الأعتـاب
ومن كــــــــــل المعاصي
اعلني الإنسحـــــــــــــــــاب
دالموت بييجي فجـــــأه
وله كتير أسبـــــــــــــــــــاب
يانفسي حسبي روحـــك
لومي وشدي العتــــــــــــاب
قبل مــ الناس تشيـــــلك
للدود وللتـــــــــــــــــــــراب
ويسدو عليكي القبـــــــر
ويفارقك الأحبــــــــــــــــاب
ولا نفعك قريــــــــــــــب
ولا حد مـــــــــ الأصحــــاب
يانفس خودي العبــــــرة
م اللى عصى وانصـــــــــاب
واللى بعد عن ربـــــــــــه
ومالهش استجــــــــــــــــاب
واللى انشغــــل بالدنيـــا
ونال أقسى العقــــــــــــــاب
طول مانتي فيكـي روح
التوبه فاتحه البــــــــــــــاب
ربك غفـــــــــــور ورحيم
معطي كريم تـــــــــــــــواب
***
محاسبة
شاعرالإحساس
رضاعبدالحميد
ليست هناك تعليقات:
إرسال تعليق