الأم ...
أقول لكل عاق غير بار بوالديه كف عن هذا وعد لرشدك وعقلك فكما تدين تدان ...
بتقول لي أمي؛ وجاي
تفتكرها اليوم ...... طيب كنت قبلها فين ،،
..
أمك ؛ أيوه أمك؛ عاشت
سنين طويلة حزينة .. وكنت تاركها لمين ،،
..
كنت لاهي عنها ساهي..زمان
كثير شهور من عمرها مرت..ومعها سنين ،،
..
كنت إفتكرها وهي عاجزة
محتاجة حضن دافي .... محتاجة حنين ،،
..
كنت أفتكر حضنها الدافي وقت
بردك وخوفك..وقت فرحك؛ وأنت حزين ،،
..
كنت إفتكرها وهي تعبانة محتاجة
منك كلمة حلوة محبة تعوضها تعب سنين،،
..
كنت إفتكر حملها فيك وخوفها
عليك وهي فرحانة رغم الألم رغم الأنين ،،
..
كنت إفتكر خوفها عليك من
نسمة تمسك ..أو من وجع وشقى السنين ،،
..
سايبها لمين؛ بعد الشقى ومعاناة
بعد السهر ... بس قول كنت سايبها لمين ،،
..
بتقول لي أمي؛ أيوة؛ أمك خلاص
اليوم راحت عند ربنا .... أرحم الراحمين ،،
..
بتقول لي أمي ؛ روح أدعي
ربنا يرحمك .. بعد ما إتقفل باب الوالدين ،،
..
بتقول أمي؛ وجاي اليوم تفتكرها؛
وكنت فين؛ ظلمت نفسك .. آه يا مسكين ،،
..
الأم غير كل البشر ؛ الأم بسمة و
ضحكة وصدر حنون..دم بيجري بالشرايين،،
فايز أهل
ليست هناك تعليقات:
إرسال تعليق