عشان غيرك
عشان غيرك نسيت نفسك
وسيبت الدنيا تلعب بك
طويت الجرح ع التاني
شيلت ف ذنب مش ذنبك
تتوه في شوارع الغربة
تضيع في مفارق الاْحزان
وتتعود على الكربة
تتصاحب على الحرمان
وتبعد عن شرور الناس
تلاقي غدرهم جايبك
وتتحدف بطوب وإزاز
وجرح القلب مش سايبك
نسيت تقفل ببان الروح
وسيبت القلب متوارب
وناس تيجي وناس بتروح
نسأل ولا حد بيجاوب
تغير اْحلى شيء جواك
تبطل كل اللي بتحبه
تلاقي اللي عاشها ملاك
الناس بتخونه وتسبه
بقيت خايف ياقلبي عليك
مش عارف اْتحمل غلبك
كل الحبايب حفروا فيك
لحد ما جرفوك كلك
نسيت نفسك عشان غيرك
وعشت العمر بتفاني
وكان حقك وتقديرك
تتعذب فيها وتعاني
ليست هناك تعليقات:
إرسال تعليق