قصيدة شعبية تحت عنوان{{صورةمن_ماضي}} بقلم الشاعر المصري القدير الأستاذ {{ايمن شتا}}

 #صورةمن_ماضي

#كلمات_ايمن_شتا 

بلاقي رحتي في بعادي...

متستغربش..

ولا تتعب ولا تفكر..

ولاتسأل عن الأسباب..

عشان فعلا..

مبحيسكش..

متستغربش..

نقولوا تجربة فاشلة

وعشناها..

عشان مشاعرنا مش واضحة

خسرناها..

شايفني صورة من ماضي

في ملامحها. 

وتجرحني عشان خايف

لتجرحها.

انا اللي معاك مش هي

انا الحاضر..

وهي صورة من ماضي..

متستغربش..

عشان انا راحتي في بعادي..

... 

انا مش صورة أو كربون

ولا دوبلير في قصة حب

ولا نمرة على التليفون

بتطلبها ساعة ما تحب

انا انسانة موجوعة

بدور عاللي يسعدني

كرامتي عالية مرفوعة

وببعد عن اللي يتعبني

فسبني راحتي في بعادي

وروح دور على الماضي

ولا تتعب ولا تفكر

ولا تسأل عن الاسباب

عشان فعلا

مبحيسكش..

متستغربش..

بلاقي راحتي في بعادي..

....

ايمن شتا