{ ليلة حلم }
خاطرة مكتوبة باللهجة العامية
~~~~~~~~~~~~~~~~~~
بذكِّرك شو حكيت
وعـ كتفك شو بكيت
حلمنا نختير سوا
بليلة .....
تركت الحلم ومشيت
وبقيت لا وحدي
مكمَّشي بحلمي
ومنشان ما تُهرب منِّو
ولا كلمي
بـ قفِّل شبابيك الليل
من بعد ما يغفى نجم سهيل
ويحط راسو عـ لمخدي
بِغفِِّّي حروف الحلم حدي
على زندي
وكل ما الهوا دق عـ بابي
ونهد نهدي
يفيق من عين الوجع قلبي
وينده يا حنين الشوق
شوووووووووو ....
مش سامعة
..... ردِّي
يا حرقة النطرات الدامعة
.......ردي
ومن بعد ما حس
إنك أنت لـ ندهت وحكيت
تركض عيوني تفتكرك جيت
تفتح الباب
تلاقي سراب
متلاشي
تارك جنون الهوى وردي
عـ عتبتي وماشي
ومن حبات الأمل كم كمشي
وللعلم
منشان ما يموت الحلم
أرجع أركض على الفرشي
وأحكي لا صورتك القديمي
لـ منمشي بـالذكريات
حكايات
وملِّي حلم عيونك بسمات
ونهدات
وضلني بوسك
لا تسرقك مني الغفيات
من بعد ما تنعس النجمات
وغفيك عـ صدري
وأزرع الحبات
مع النهدات
وأغفى وغطيكن برمشي
وتلفلف حالها بخيالها
وتتغلغل وردة العشق
باكيه حدي
بتحب قلك بعد
بعدني عـ الوعد
وإلي مدي
بدونك .... عايشي ومنَّي عايشي
•علاء الغريب / كاتب صحفي
ليست هناك تعليقات:
إرسال تعليق