حادى بادى
........
خلى بالك
من كلامك
بص على يمينك
شمالك
سكه سد
فأمسك لسانك
وإوعاك تتباها
بسكاتك
هى عاكسه
فخليك فى حالك
وأوعه لعيالك
دول سندك ومالك
هما الأمل لبكره جاى
لو زمنك خانك وباعك
حادى بادى
عسكر عسكر
من الناحيه دى
حرقوا بيوتنا
وقتلوا عيالنا
حتى إخواتنا
سبونا نعانى
وأنا مش عارف
مين للتانى
مين صهيونى ومين إسلامى
مين فينا ضحيه
ومين الجانى
مين هيطيب جرح عيالى
حتى عنيهم عننا عميانه
ساعه تنوح وسعات نسيانه
هى غفله ففوقوا عنها
لأحسن تغموا
عنيكم غفله
تلاقوا كرب وحرب ضرب
ذل ومهانه
سحلاكوا سحله
سكه سد فمدوا
مد يمكن سعتها
تلاقوا رد
فحادى بادى
عسكر ينادى
وإنت الليلادى
قتيل قصادى
........
بقلمى
#شاعرالعرب
هيثم محمد عبدالعال
ليست هناك تعليقات:
إرسال تعليق