* قصيدتي ( الأمل )
لا تستهينو بالأمل
في عيون أملها في العمل
وايدين حثيثه بتشتغل
قلوبها حلوه تقول عسل
نوايا صادقه في العمار
خطاوي سابقه للنهار
أحلامها فارقه مش هزار
هدفها تحقق لازدهار
بتصون بلادها ليل نهار
غرث طيب ونبت طيب
ايدين شريفه وكمان عفيفه
اللي يحب بلده مثال فخار
نموزج راقي خيره فيه
وخيره باقي سيرته ليه
ولولاده برضه يعيشو بيه
يبنو بكره تعلي فكره والكلام
مفيش عمار بدون سلام
والسلام ماهوش كلام
ولا هو غنوه والسلام
مبادئ واضحه والتزام
حقوق مكفوله للشعوب
تحقيقها يمنع الحروب
والأمن يظلل على الدروب
أجيالنا تزرع في الصحاري
أيديهم تبني في الكباري
عيونهم طاله على الفضاء
أملهم نوصل للرخاء
حالفين ما يكفو عن العمل
ولا يوم يستهينو بالأمل
* انتهت من فضل الله تعالى قصيدتي ( الأمل ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق