(ع الكورنيش)
#ــــــــــ@فتحي أبو طاحون.
قدام مسرح سيد درويش.
أنا ماشي ف نص الليل..ماشي والخلق مافيش..
مطرة نازلة زي السيل و.. أنا باكل سكر سنترافيش....
علشان أدفى من برد الجو..قعدت ف قهوة ع الكورنيش....
لاقيت قطة بتقول نونو..جعانه بدور على لقمة عيش!!!!!!!
" ف اسكندرية عروسة البحر مدينتي"
إللي أنا بعشق شتاها أكتر م الصيف.
إللي دايما أحس فيه إن أنا ضيف!!
أخدت مكان ع الناصية و..قدامي البحر موجه هايج .
فجأة موجة عافية وعاصيه.. عدت الحاجز للشارع..
باست تلتوار الناحية القبلية و..عودها ممشوق فارع...
دخلت ف القهوة للناس..أتاري البحر شاف صبية....
أيوه يا مرسي ياابو العباس!!!!!
حتة شابة ولا ف الأحلام..مالقتش ف مثالها قوام..
الشعر طويل لون الليل..تعشقها من غير كلام!!!!
جمالها سبحان الخالق..جننت الكل بسلام!!!!!
أصل صوتها كان عايق..زي صوت الحمام!!!!!!
فى يناير ف عز البرد..خلت جسمي البردان دافي.
غزال ماشي ع الأرض..عيونه بلون أخضر صافي!!!!
بيقول يا أرض إتهدي..ماعليكي ابدا قدي..
سبتت عيوني بنظرتها..لوحتني برقة مشيتها..
قلت لنفسي تتحديني..حتعدي الشارع وتجيني..
فجأة لاقيتها قدامي..طار عقلي وبجناني..
سلمت فردت سلامي..قلت أحلوت أيامي!!!!
طلعت سيجارة عدلت البدلة و.ناديت الجرسون جاني
طلبت فنجان قهوة و..ليها سحلب محشي سوداني....
بكل ثبات قمت من مكاني و..رجلي راحت وخداني......
بذوق وهمس قلتلها النية بيضه..اتاريها بنت موضة..
فهمت أنا معجب بيها..جيت أمسك إيديها..
طب الجرسون فطلبت ليمون..بص لي زى المجنون..
قال ماانت طلبت قهوة يابيه..مالك صرحت ف إيه؟!
أتاريني بأحلام اليقظة و.. فقت ع الكلمة ف لحظة !!
قمت دفعت حسابي مشيت و..للتلتوار التاني عديت..
قدام البحر وقفت شكيت..أخدتني العبرة فبكيت!!!!
ماهمنيش موجه العاتي..قلت لما أصرخ وأهاتي..
يمكن تسمعني ملكة أحلامي..تطلع تحصد مني الهم.
فتحلي مرارة أيامي و..تزرع فرح مكان الغم....
دا أنا مجروح بدال الجرح مليون جرح..
نفسي ف جرح واحد منهم بيها يتلم!!!!!!!
بقلم.
فتحي ابو طاحون
2025/8/7
#____@فتحي ابو طاحون.
ليست هناك تعليقات:
إرسال تعليق