العز بن عبد السلام
**************
ياقاضي ياللي شايف الظلم جائر
ماتقولش بحكم من واقع ورق
احكم باللي استقر في وجدانك
ماتبقاش متردد وﻻ خايف وﻻ وحائر
اﻻوراق متزورة والشهود متأجرة
وانت عارف باللي كان واللي جرى
اقلع وشاح السياسية والبس وشاح العدالة
دي ناس بريئة وأهلهم ع البلاء متصبرة
دول صفوة البلد ودول انضف ما اتولد
شباب زي الورد حاملين كتاب ربنا
وآياته في قلوبهم ووشوشهم منورة
اوعى تنسى حكمة ربك قاضي في الجنة
واتنين في النار افهم دي المعاني منورة
ماتبقاش مع الظالم وﻻ تكون من ملأه
دي النار قايدة سودة ومتسعرة
اعلى بحكمك لفوق وبلاش ترجع لورا
خد الحكمة والموعظة من اللي كان
واللي حصل واللي جرى
خلي ضميرك صاحي وذكراك متعطرة
اقرأ قصة القاضي العز بن عبد السلام
وﻻ اللي رد طبق البلح
صدقني هما النجاة والقنطرة.
مصطفى عبد النبى
ليست هناك تعليقات:
إرسال تعليق