قلبي يستاهل الفرح
بقلم/عماااد الأبنودي
........................
و مالو العمر لو لحظة
و تعدي سنينه في الفرح
و ترحل لياليه الجاحدة
بشجونه و دمعااات الجرح
دي حياتي مش راجعه تاني
بترمح سعاتها ياما رمح
و أقول للسعادة وحشااني
دا أنا قلبي يستاهل الفرح
و قوس قزح يرسم ألوانه
و شجر المحبة يطرح طرح
و يدندن طير السما أنغامه
للي بيصون العيش و الملح
يا بكره يا جاي بتفاصيلك
هات الأمال كده بقناديلك
نور دروب ماشيه في ليلك
وإملاء القلوب دوماً فرح
بقلم
عماااد الأبنودي
9 , 9 , 2025
ليست هناك تعليقات:
إرسال تعليق