ق:غريب تايـه فى دنيا سراب
ك:أحمد عبد الرحمن صالح
◆
غريب تايـــــــه فى ارض الله
ومش لاقى طريــــــق لرجوع
لأنى الدنيـــــــــــــــــــا غدارة
لقيت نفسى وحيـــد مقطوع
أنا اللــــــى عشت راس مالى
اقـــــــول حاضر بكل خضوع
لناس تافهـــــــة كانت فاكرة
بإن الحق شــــــــــــئ ممنوع
وأكل السحت ده شطـــــــارة
يمرســـــــــــــوها بكل خشوع
وظلــــــــــــم الناس لبعضيها
ده شئ عــادى كمان مشروع
وكله يقــــــــــــــول وأنا مالى
بـــــدال هشبع وغيرى يجوع
مفيش مـانـــــــــــع لسرقتهم
وادوس على جثــة المخدوع
وحتى الرحمـــــــــة مش لينا
لأنى العدل مـــــــــات مفزوع
فى دنيــــــــا دنيئة مش جنة
قانون سايــــد ومش موضوع
ده طبــــــــع فى نفس غدارة
بتجحــــــــد كل خير مصنوع
كتيــر مــــــــن الناس بتتلون
ولا بتخشـــــــــــــع لأي دموع
ومهمـــــــــــا يشوفوا قدامهم
فرضينوا بضميـــــــــر منزوع
بيجرى الغــــدر فى عروقهم
وصعب يحســـــوا بالموجوع
تملى بيحســـــــــدوا غيرهم
وصعب تلاقى حــــــــد قنوع
يا رب احمينا مــــــن كيدهم
وجنبنـــــــــــــــــــا لأى وقوع
متحـــــــدفناش فـى سكتهم
بحق كلامــــــــــك المسموع
يـــــا رب إنت المعيــــن لينا
فوفقنــــــــــــــا نلاقى رجوع
◆
كلمات:أحمد عبد الرحمن صالح
ليست هناك تعليقات:
إرسال تعليق