نفسي
احمد صبري
نفسي ابكي الدموع مش راح تكفي
نفسي ارجع طفل تاني نفسي احبي
نفسي امشي ويا القمر ويضي كفي
نفسي امسح كل جرح وجعلي قلبي
نفسي اهاجر دنيا قاسية هواها انين
واروح لدنيا لسه جواها الحنين
بس مش عارف وخايف من سنين
غصب عني امتلكني شعور حزين
حب ايه لما انتهت كل القلوب
م المقاسي والمعاصي والذنوب
نفسي ارتاح العجب دوبني دوب
قلبي ميت م التعب يبات مغلوب
يصبح العمر اللي باقي ذكريات
يصبح الخير اللي عدا كله مات
ينتهي بيا الالم تبكي عليا النايات
يبتدي الحلم خنقي اموت اهااات
نفسي اهرب م الحقيقة للخيال
نفسي ارجع اللعب ويا العيال
نفسي الاقي اجابة و السؤال
علل ليه الندم مبيغيرش حال
نفسي
احمد صبري
ليست هناك تعليقات:
إرسال تعليق