بقلم يوسف ونيس مجلع --- ايطاليا بريشيا
أصدقائي الأحباء كل عام و انتم طيبين و بخير و عيد سعيد على الجميع يارب من سلسلة
الكلمات الخفيفة كلمة بالعامية بعنوان -- كلمة باحبك دية --
بشويش بشويش عليا ------------------ متذوبنيش حنية
بالراحه عليا شوية ---------------- لا متلاقينيش ياعينيا
ماتهادنيش اغلى هدية ---------------- ميهمنيش الا هية
كلمة باحبك دية------------------- دى هي العيد والعيدية
------------------------------------------------------------
متوشوشنيش دية و دية -------------- مدوخنيش ملاغية
تدادينى و تذيد مدادية ------------- تهادينى عيد دنيا هنية
تراضينى و تدلع فيا ------------ هاقول لك برضو شوية
عايزة باحبك دية----------------- دى هي العيد والعيدية
------------------------------------------------------------
تغازلنى ولهان برومانسية ----- بالنحوى و كمان بالعامية
و تحكيلى اشجان شوقك ليا --------- ما يسعدنيش الا هية
دى حياة الروح اللى فيا --------- وحلاوة الدنيا فى عينيا
همسة باحبك دية ---------------- دى هي العيد و العيدية
-----------------------------------------------------------
ما تسئالنيش ايه بيا ------------- متكسفنيش بقى يا عينيا
ماهو رد مفيش على دية ------ واستحى اجاوب على دية
انا من غير باحبك دية ------------- وردة بعيد عن المية
حمامة تايهة عن الغية ---------- دى هي العيد و العيدية
----------------------------------------------------------
متسحرنيش رقة و زوق--------- والعقل يطيش ما يفوق
متركبنيش جناح شوق--------- والقلب فى احلامه يسوق
لا اقع من فوق فوق---------- ما لاقيش اللى يسمى عليا
كفاية عليا باحبك دية ------------ لكل عيد احلى عيدية
بقلمى يوسف ونيس مجلع
ليست هناك تعليقات:
إرسال تعليق