قصيدة شعبية تحت عنوان {{قالِتْ}} بقلم الشاعر السوري القدير الأستاذ{{جمال خضور}}

قطفةشعر.. من(زورق الليل) 

"منمنماتْ من خوابي المحكي" 

     (1)

قالِتْ:

حَكّيني غَزَلْ.. 

قلْتلْها:

خلْصِتْ مني.. 

لِحْروف.. 

قالِتْ:. 

اتطلَّعْ بعيوني.. 

وحَوّشْ منها.. 

شو بتشوف.. 

_____________________

      (2) 

لْحروفْ عشرينْ..

وتماني..

وإنتِ حرفْ..

ماحدا غيري..

بيعرفو..

دخِلْ عَ قلبي.. 

وغفي..

لاكنتْ صَحّيهْ..

ولاكنتْ إكشفو..

______________________

     ( 3)

نِجْمة بْدَرب التبّْانة.. 

ماشالله شوحلْيانة.. 

عَمْ ترْمي عْلَيْنا.. 

الَبَخْورْ.. 

ماالْحلوة!!!.. 

إسْما لْبانة… 

عيونا بْتاخدْنا..

مْشاويرْ.. 

وعَ حْدودْ الغيمْ..

ترمينا.. 

والعاشِقْ.. 

كيفْ بَدّْو يطيرْ… 

وكتيربعيدة.. 

التبّانة..

         سوريا/جمال خضور