.............امى................
يا اول اسم انا ندهته
وفي الاخره اتنده انابيه
واول حرف انا كتبته
واول حضن ليا الاقيه
واول شيء انا عرفته
واخر شيء افرط فيه
فتحت عيني انا شفته
قفلت عنيه اشوفك فيه
يا حلم جميل وصدقته
وواقع انت جملتيه
يا اول حب انا عرفته
وربي امرني وصى عليه
كلامك ليا انا حفظته
ووعد وعهد اعمل بيه
لو اخ كان يصون اخته
يلاقى اخوه يكبر فيه
حلالك يا اما انا دقته
وعهد السحت ما خليه
وكل قرش انا جبته
اشوف ياما حلالك فيه
يا ابنى الصدق لو قلته
ينجي صاحبه من بلويه
وقول الحق لو شفته
عشان ربك موصى عليه
بلاش تنقل خبر شفته
وقالوا ايه وقلنا ايه
وصون السر اذا عرفته
وخلي الستر يبقى عليه
واي مريض لو زورته
تخفف في الزياره ليه
يدوب تدعيله وتشاركه
وتخلص بالدعا يشفيه
يا امي دعاكى انا فاكره
وفاكرك كل حرف فيه
يجيلك رزق تفرح له
وبالحلال يا رب اكفيه
كلام يابنى وانا وقلته
ياريت ياضنايا تعمل بيه
وصلى الفرض وبفرضه
بلاش دينك تفرط فيه
كلمات
محمد السيد سالم
ليست هناك تعليقات:
إرسال تعليق