🌷 موالي. 🌷
يل حالكم متل حالي
تعوا سمعو موالي
انا بغني العتابا
وميجنا ردوا ورايي
خلينا نردد أشعار
نكتبها عباب الدار
يادار العز يادار
صرت بحة بموالي
🌷🌷🌷🌷
هجرناك ورحنا لبعيد
ياشوقنا البصدر يزيذ
بتمشي بحبل الوريد
طيفك مارح من بالي
ياتوتة قدام الباب
بظلك تفيوا الأحباب
جدي وستي وعمامي
تحت منك الملقى طاب
خيمتنا يالفوق سطوح
هواكي عنبر بفوح
سهراتك بترد الروح
لحد الفجر مايلوح
🌷🌷🌷🌷🌷
يل حالكم متل حالي
تعوا سمعوا موالي
انا بغني العتابا
وميجنا ردوا ورايي
🌷وليد أبو لجين🌷
ليست هناك تعليقات:
إرسال تعليق