بيني وبينك عشق مسمع
هنا وهناك
عشق حقيقي
مش مداري
عشق ساعات أحسه اناني
ودي أذواق
قبل ماتسألي حبك ليه
اسالي ورده
رغم جمالها
ورغم العشق اللي
مرسوم علشانها
بكل الوانها
ازاي تطلع من اشواك
بيني وبينك كسوف في ملامح
وان كان علي الورد الطارح
وازاي انا عشت عمري امبارح
انا راح اقولك
باختصاراناقبلك
مجربتش اعيش امبارح
بيني وبينك احساس جارف
وانا لو مليون عارف
جوا عيون جاهل جدا
سرك ايه
وسرعيونك كله ده ليه
كل ماابص جوا عيونك
اعمل نفسي عبيط
واعمل نفسي
واعمل ليه وحبك عمال بيزيد
هو ايه خلاص مش شايف
عمري مااداري عشقي اناليك
عمري مااخبي احساس جوايا
بعد الشر هو انا خايف
بيني وبينك عالم تاني
زمان علمونا اصدق حب
هو الاولاني
دلوقتي بعترفلك
دقيقه أتمالك نفسي واشرحلك
اصدق واطهر حب
العشق المتأجل
ليكون العشق الآخر اني
بيني وبينك صمت بيبقي
احلي من اي كلام
بيني وبينك حرف بغنوة
حلم بيجي كل ماانام
عمربعيشه كل دقيقه
كل مااشوفك بجري عليك
تلاقي قلبي رغم صلابته
يحن قوام
اصلك عالم ...
والله هو لوحده العالم
اني بحبك
وان بسببك
انت لوحدك نبضي في شريان
وباقي العالم كله رخام
بيني وبينك عالم تاني
حب كل ماافتكره ده عادي
يرجع تاني
من الاول تاني
زي مايكون مكتوبلي اعيشك
تاني وتاني
ااااااه ياني
لما تقابل من بعد ماراح
حبك تاني
احمدعبدالحق
ليست هناك تعليقات:
إرسال تعليق