مصرائيل
.....
شدوا الحزام يانفوس
جعانه ما تخلوش
حتى الفلوس جايباش
لا لحمه ولا عيش حاف
من يومه الدولار هباش
حاكم على الجنيه ببلاش
منفي فى بلاد ما فيهاش
أسعارها نار تعلاش
غير على الفقير إن عاش
ماهو لو معاه كان عاش
ماكنشى راح فى بلاش
خاف يوم يروح مايجيش
وعشان ما ياكل عيش
طاطا ولبس الخيش
عيش فيها زى ماغيرك عاش
وإن جاك الطوفات مالقاش
فيها هيحصد ماهيخليش
يانفوس جعانه ما مستنيش
منكم لا عطف ورغيف عيش
وتموتى يا نفسي ولا ترضاش
.......
كيلو المحبه بكام
لما النفوس تتلام
وحده الأصيل يتلام
أما اللى عاشها حرام
طاطا وقال دا سلام
باع اللى منه وعام
فى بحر كله هموم
لا عاش حلالها فى يوم
ولا صان وذكا وصام
......
بكفايه كفا اللوم
نعاتب وهى هموم
ساكنه ضلوع مهموم
محبوس سنين وأيام
فى سجن عمره الكام
وعام يقابل عام
ويوم يودع يوم
أمله يقوم من النوم
يلقى الحصار مهدوم
بكره القيامه تقوم
...........
بقلمى
#شاعرالعرب
هيثم محمد عبدالعال
ليست هناك تعليقات:
إرسال تعليق