للشمس من وذاني؟
ةةةةةاةةةةةةةةةة
عُمري انتهى والحب بدأ
رايد لي واحد ثاني
رايد عُمر فرحة وشمس
ورايد عُمر لحزاني
عُمري انتهي ومحبوبي اجه
ياعُمري دِرجع ثاني
فكّيت عيني علَه الزَّمَن
گِلت العُمر يِتْناني
حتّى العُمر شايِل غَدُر
وين الگَه واحِد ثاني
فَكّيت عيني علَه الزَّمَن
ليش الزَمَن ذبّاني
فَكّيت عَيْني أردَنْ وَكِت
مامِشْ وَكِتْ بَحْضاني
فَكّيت عَيْني وغَمَّضِتْ
ماريد اشوف اأحزاني
ظَليت واگُف بالشمس
شِفْت الشَمِس تِهواني
بَطّلت حُبْها ويَ الگُمَر
عِدْها الگُمَر بَسْ آني
بَس الشَمِس نُصْ الوَكِتْ!!!
والگُمَر نِصّه الثاني
كِل الضُوه بهذا الگُمر
وين الگُمر وين آني
ظَلَّتْ لي ساعة من العُمر
لِلْشَمِس من ودّاني؟
لِلْشَمِس من ودّاني؟
بقلمي
عباس كاطع حسون /العراق
ليست هناك تعليقات:
إرسال تعليق