خايفة أمشي
بقلم ماجدة البهيدي
=============
مش عارفة ليه بس العذاب
مانا ألف مرة أنا قولت لك
انت غالى عليا جدآ
وأغلى من مليون صحاب
وإن غبت والله بحن لك
بس ماشي هقولها تاني
يا سيدي حاضر هريحك
وأعتقد إن انت عارف
ايه هو عندي مطرحك
لو جمعت أنا من حياتي
حب حسيت به بجد
مش هلاقي إلا قلبي
هو بس انا بشتريه
أصل هان على ناس كتير
أنا كنت حبتهم بجد
مش هقول ليه بس هونت
وهما يوم ما هنوش عليه
من الأسية كتير شرب
وعبى من الوجع كاسات
من الغياب ياما أشتكى
ومن الحنين ياما قال أهاااات
وجاي بعد ما سك بابه
تنكش وتصحي السهاد
تمسك في حبل الشوق يدوب
وترجعوا من تاني عاد
انا مش هخبي يمكن معاك
حسيت بدقة
وإن جيه الحنين يسبقني
ليك انا أقوله لاء
آسفة إني جاية أقولك
أنا خايفة أمشي في سكتك
لحسن يخدني سمار عينيك
وتخطفني مني ضحكتك
وأروح معاهم لدنيا تانية
وهناك أعيش
وأغرق في بحر من الحنان
ويمكن ما جيش
أنا بس اسمح لي الظروف
وأقفة في طموحي
وإن جيت ساعات بسرح معاك
تنساني روحي
شوفت في ملامحك
جوه مني في حاجة منك
وإن روحي سرقتني مني
وخدتني عندك
ألاقي قلبي يقولي فوقي
أوعي تروحي
هو إنتي يعني نسيتي نفسك
ونسيتي نوحي
ولا إنتي مش فارق معاكي
وجعي وجروحي
لكن بجد بيني وبينك
كان نفسي إني أعيش معاك
وأفديك بروحي
10/6/2025 الثلاثاء
بقلم #ماجدة_البهيدي
ليست هناك تعليقات:
إرسال تعليق